तूँ ब्रह्माणी तूँ धनियाणी

जय भवानी बाणमाता, तू ही चित्तौड़गढ़ धणियाणी |

तूँ ही बायण तूँ ब्रह्माणी, तूँ ही सेवक सहाय सर्वाणि ||

तूँ ही ब्रह्मा शिव विष्णु हैं, जग जिव जुगत तू ही उपजाणि |

काळा-गोरा लांगड़ आगे, तूँ ही डमडमाट कर डमकाणी ||

बाणासुर री बायाँ भांजी, चमचमाट कर चमकाणी |

सिंह सवारी हंसला री हाकणार, दानव दल पर मलफाणी ||

लहू लाल रागस भर खप्पर, तू गट गटाक कर गटकाणी |

लक्ष्मण सिंह जी ने वचन दीनो, बणगी माँ तूँ ब्रह्माणी ||

हँसले चढ़ बायण तूँ आज्यै, संग सातू बेहना लाणी |

अनु आराधा आप पधारी, जय जय मात ब्रमांड रचाणि ||

भव सागर भयहीन करि, इण सागर तूँ तिरवाणी |

किरपा कर महेंद्र पर माड़ी, भगता ने भक्ति बगसाणी ||

🚩 चित्तौड़गढ़ री राय, सदा सेवक सहाय